Կինը, հեռացած ամուսնուց վրեժխնդիր լինելու համար, խեղդել է չորսամյա որդուն:
Համաձայն Ռուսաստանի քննչական կոմիտեի հաղորդագրության` Պերվոուրալսկի բնակիչն օգոստոսի 3-ին դիմել է ոստիկանություն` բողոքելով, որ իր 35-ամյա կինն իրեն թույլ չի տալիս շփվել չորսամյա որդու հետ:
Ոստիկանություն հրավիրված կինը սկզբում սկսել է պնդել, որ ինքն էլ արդեն տասն օր է, ինչ չի տեսել որդուն, քանի որ նա դուրս է եկել հասակակիցների հետ եւ չի վերդարձել: Հետո խոստովանել է, որ խեղդել է որդուն:
Մեկնելով դեպքի վայր` ոստիկանները հայտնաբերել են երեխայի դին` բռնության հետքերով, հաղորդում է NEWSru.com-ը:
Կինը պատմել է, որ հուլիսի 22-23 –ին ամուսնու հետ վիճաբանելուց հետո վերջինս հեռացել է տնից: Կինը, ով նախորդ ամուսնությունից ունեցել է հինգ եւ վեց տարեկան երկու աղջիկներ, որոշել է վրեժխնդիր լինել եւ սպանել իրենց համատեղ երեխային: Գիշերը նա երեք երեխաների հետ գնացել է լքված տան մոտ: Աղջիկներին թողնելով դրսում` նա չորսամյա որդու հետ մտել է տուն, խեղդել նրան գոտիով եւ գցել նկուղում:
Ներկայումս որոշվում է նրա ձերբակալության հարցը: