Հալեպ քաղաքում մարտերը հասել են հայաբնակ թաղամասեր: Ինչպես NEWS.am-ի թղթակցին հայտնել է Հալեպի հայ համայնքի աղբյուրը, անցյալ գիշեր բանակի եւ ընդդիմադիրների միջեւ մարտերը տեղի են ունեցել հայաբնակ թաղամասերի մոտակայքում, երբեմն նաեւ բուն թաղամասերում:
«Բախումները սկսվել են գիշերը ժամը 4-ին եւ շարունակվել են մինչեւ առավոտյան 9-ը: Հակամարտության սկսման օրից սա ամենասարսափելի գիշերն էր»,- նշել է աղբյուրը: Նրա խոսքերով հալեպի հայ համայնքի մի որոշ հատված մտադիր է ժամանակավորապես լքել տները: Բացի այդ համայնքի ներկայացուցիչը նշել է, որ հայերի մեջ տուժածներ չկան:
Հիշեցնենք, որ Սիրիայում բնակվում է մոտ 50-60 հազար հայ: