ՀինգշաբթիՀուլիս 31
  • USD 406.57
  • EUR 546.19
  • RUB 11.38

Գյումրիում խոշոր վթար է եղել, կա չորս զոհ (ֆոտո)

10:33, 08.08.2012 Տարածաշրջան: Հայաստան Թեմա: Պատահարներ

Օգոստոսի 8-ին ճանապարհատրանսպորտային պատահար է տեղի ունեցել Շիրակի մարզում: Ինչպես hայտնում է NEWS.am-ի Շիրակի թղթակիցը, Գյումրի քաղաքի Սախարովի անվան հրապարակում` Շիրակացի եւ Վազգեն Սարգսյան փողոցների խաչմերուկում, Գյումրի քաղաքի բնակիչ, 24-ամյա Մկրտիչ Մանուկյանը ժամը 03:00-ի սահմաններում վարելով  «Մերսեդես» E 320» մակնիշի 20 ՏՏ 529 համարանիշի ավտոմեքենան, շրջվել է եւ բախվել շենքի անկյունապատին: Դեպքի վայր է մեկնել մարզային փրկարարական վարչության փրկարար ջկատը եւ մեկ մարտական հաշվարկ, ինչպես նաեւ Շիրակի մարզի ճանապարհային ոստիկանները, Գյումրու շտապօգնության կայանի 4 շտապօգնության բրիգադներ

Վթարի հետեւանքով 3 հոգի տեղում մահացել էր, իսկ 1 հոգի տեղափոխվել Գյուլբեկյանի անվան հիվանդանոց , վիրավորներին եւ մահացածներին մեքենայից դուրս են բերել քաղաքացիներն ու շտապբուժօգնության եւ փրկարար ծառայության աշխատակիցները:

Մահացածներն են` Գյումրի քաղաքի բնակիչներ, 24-ամյա Սամվել Մինասյանը, 26-ամյա Սեւակ Հովհաննիսյանը եւ  25-ամյա Էդգար Ավագյանը: Մեքենայի վարորդ, նույն քաաքի բնակիչ  24-ամյա Մկրտիչ Մանուկյանը մարմնական ծանր վնասվածքներով տեղափոխվել է Գյումրիի Գյուլբենկյանի անվան հիվանդանոց, որտեղ եւ մահացել է:

Շիրակի մարզի քննչական բաժնում հարուցվել է քրեական գործ` ՀՀ քրօրի 242 հոդվածի 3-րդ մասի (ճանապարհային երթեւեկության եւ տրանսպորտային միջոցների շահագործման կանոնները խախտելու, որն անզգուշությամբ առաջացրել է 2 կամ ավելի մարդու մահ) հատկանիշներով:

Լուրեր Հայաստանից - NEWS.am

Այս թեմայով

Վաղարշակին լողափից տարան քրեակատարողական հիմնարկ

Նոր Նորքի եւ Արաբկիրի բաժինների ծառայողները Սեւանա լճի լողափերից մեկում հայտնաբերել եւ բերման են ենթարկել...

Կինը տեսել էր կողոպտչին եւ ճանաչել

Կողոպտչի եւ տուժող կնոջ հերթական հանդիպման տրամաբանական վախճանը...

Մարմնական վնասվածք հասցնելու 8 դեպքից բացահայտվել է 2-ը

Օպերատիվ իրավիճակը հանրապետությունում...

Նրան որոնում էին ուզբեկ իրավապահները

Հայտնաբերման մասին հայտնվել է հետախուզումը նախաձեռնողին...

Վթար Էջմիածին-Մարգարա ճանապարհին

Իրար են բախվել «Ֆոլքսվագեն» եւ «ԲՄՎ» մակնիշի ավտոմեքենաներ...

«Մերսեդես»-ի ընթացքի ժամանակ կինը սրահից վայր է ընկել

Արարատի մարզի Ազատավան գյուղի Արտաշատյան խճուղու սկզբնամասում...