Օգոստոսի 10-ի, գիշերը՝ ժամը 1-ի սահմաններում ծեծկռտուք է տեղի ունեցել Տերյան փողոցում գտնվող «Աֆրոդիտե» կարաոկե ակումբի մոտ:
Ականատեսները NEWS.am-ի թղթակցին պատմել են, որ երեք հոգով ծեծի են ենթարկել մի երիտասարդի: Տղաները ակումբի հաճախորդներն են եղել, ինչ-որ հարցերի շուրջ վիճել են, ապա դրսում ծեծկռտուք սկսել: Ծեծողներից մեկն ինչ-որ ընկերության տնօրեն է:
Կարճ ժամանակ անց դեպքի վայր են ժամանել ոստիկաններն ու նրանց բերման ենթարկել: Նշենք, որ կռվի մասնակիցները 20-25 տարեկան տղաներ են եղել: Տեղի ունեցածը հաստատել են նաեւ ոստիկանությունից:
