ՀինգշաբթիՀոկտեմբեր 23
  • USD 408.67
  • EUR 517.29
  • RUB 9.81

«Առավոտ». Վրացական լեռներում մնացած հայ լեռնագնացը ուղղաթիռ է խնդրում, այլապես դ

06:35, 11.08.2012 Տարածաշրջան: Հայաստան, Վրաստան Թեմա: Հասարակություն, Պատահարներ

«Առավոտը» գրում է, որ Վրաստանի Ուշբա լեռը բարձրացած հայ լեռնագնաց Անդրանիկ Միրիբյանը արդեն 2 օր է` փրկարարական օգնության է սպասում, բայց վստահ չէ, որ այն կհասնի:

Նա հեռախոսակապ է հաստատել իր հարազատների հետ եւ հայտնել, որ ձյան առատ տեղումների պատճառով իր վիճակը գնալով բարդանում է, իսկ սննդի եւ ջրի պաշարը` սպառվում: Անդրանիկ Միրիբյանը, ով նախկին փրկարար է, կապվել է թե Վրաստանի, թե Հայաստանի փրկարար ծառայությունների հետ եւ խնդրել իր հետեւից ուղղաթիռ ուղարկել, քանի որ ոտքով փրկարար լեռնագնացներ ուղարկելը չափազանց վտանգավոր է, բացի այդ, ոտքով Ուշբա սար հասնելու համար Սվանեթիի փրկարարներին անհրաժեշտ է 3 օր: Լեռնագնացին, սակայն, ոչ ոք հստակ չի ասել` եղանակային բարենպաստ պայմանների դեպքում ուղղաթիռ կգնա՞ նրա հետեւից, թե՞ ոչ:

«Ես պատրաստ եմ այստեղ 2-3 գիշեր սպասել, եթե պետք լինի, 1 շաբաթ էլ այստեղ կմնամ` սոված-ծարավ, միայն թե վստահ լինեմ, որ ուղղաթիռ կուղարկեն: Եթե ոչ, ապա անհիմն հույսեր տալով նրանք կարող են սպառել իմ միջոցները, որոնք շատ սուղ են, ու ես կհայտնվեմ կրիտիկական վիճակում, երբ այլեւս ոչինչ հնարավոր չի լինի անել: Այսինքն ինձ համար այս պահին ամենակարեւոր հարցն է` կլինի՞ ուղղաթիռ, թե ոչ: Դրանից կախված էլ որոշում կընդունեմ: Ես պատրաստվում եմ ծայրահեղ քայլի գնալ ու ռիսկի դիմելով վաղը առավոտյան ժամը 5-6-ին փորձելու եմ իջնել ներքեւ, քանի որ համոզված չեմ, որ ուղղաթիռ կլինի: Չէի ուզի, որ ինձ համար այլ փրկարարներ վտանգեին իրենց կյանքը` փորձելով եղանակային այսպիսի պայմաններում բարձրանալ լեռը: Դրա համար ուղղաթիռը  լավագույն տարբերակն է` մարդկային կյանքի ռիսկի գործոնը նվազեցնելու համար»,- հարազատներին ասել է Անդրանիկ Միրիբյանը:

Ըստ նրա` որքան փրկարարներն ուշանում են, այնքան իջնելն իր համար վտանգավոր է դառնում: Առատ ձյունը ձնահյուսի վտանգ է ստեղծում: Նա նաեւ փոխանցել է, որ պատրաստ է վճարել ուղղաթիռով փրկարարական ծառայության դիմաց:

Լուրեր Հայաստանից - NEWS.am

Այս թեմայով

Սադամ Հուսեյնի նմանակին փորձել են ստիպել նկարահանվել պոռնոֆիլմում

Ավազակախումբը պատրաստվել է ֆիլմը մատուցել որպես իրաքյան բռնապետի բացառիկ տեսանյութ...

Նոր մանրամասներ են ի հայտ գալիս պարուհի Մագայի մահվան փաստով հարուցված քրգործից

Անհայտ է դեպքի պահին Մագայի մոտ եղած ավելի քան 200 հարյուր հազար դրամի եւ բջջային հեռախոսներից մեկի ճակատագիրը...

Վթարի է ենթարկվել Վանաձորի քաղաքապետի թեկնածուն (ֆոտո)

Նման բան չկա, սա սովորական պատահականություն էր…

«Ազատ դեմոկրատներ». Սուրեն Սիրունյանի մահը մեծ կորուստ է բոլորիս համար

Սիրունյանի անձնազոհ կերպարը մշտական պայքար է մղել հայրենիքի եւ ՀՀ քաղաքացիների ազատության համար...

Սպանված Սուրեն Զորոյանը «բիճ» մականուն չի ունեցել

Իմ ախպերս հայտնի էր, որպես երկաթուղայինների...

«Արայի» մահացած սեփականատիրոջ կինը հետախուզման մեջ չէ. պարզաբանում

Ինչը նշանակում է, որ տվյալ գործով պատասխանողը այս գործի շրջանակում չի կարող լինել հետախուզման մեջ ...

Partner news