Google-ի օլիմպիական վերջին doodle-ը նվիրված է գեղարվեստական մարմնամարզությանը: Երեք օր անընդմեջ Google-ը ինտերակտիվ doodle-ներ էր տեղակայում` օգտվողներին առաջարկելով խաղալ, բայց օգոստոսի 11-ին այն կրկին վերադարձել է ավանդական, նկարով լոգոտիպին: Հնարավոր է, չեն կարողացել գեղարվեստական մարմնամարզություն խաղալու ձեւ մշակել:
Լոգոտիպին պատկերված է մարզուհի ժապավենով, որը, ոլորվելով ձեւավորում է Google բառի երկու «o» տառերը:
Գեղարվեստական մարմնամարզությունը զուտ կանացի երկու մարզաձեւերից մեկն է, մյուսին` սինխրոն լողին, Google-ն արդեն անդրադարձել էր օգոստոսի 5-ին:
Գեղարվեստական մարմնամարզության մրցումները Լոնդոնի Օլիմպիադա-2012-ում մեկնարկել են օգոստոսի 9-ին եւ կշարունակվեն մինչեւ օգստոսի 11-ը: