Այսօր` օգոստոսի 11-ին տեղի ունեցած երկրաշարժի հետեւանքով Սյունիքի մարզում ավիրածություններ չկան, իրավիճակը նորմալ է: Այդ մասին NEWS.am-ին հայտնեցին ԱԻՆ Սյունիքի մարզային վարչությունից` հավելելով, որ մարզում որեւէ խուճապ չկա:
Երկրաշարժի հետեւանքով Սյունիքի մարզի Գորիս քաղաքի արվարձանում գտնվող «Լաստիխութ» կոչվող արոտավայրին հարակից տեղի է ունեցել ժայռաբեկորի փլուզում: ժայռաբեկորի տակ մնացել է Ռ. Նուրիջանյանին պատկանող մեկ հորթ:
Հիշեցնենք, որ այսօր` օգոստոսի 11-ին, ժամը 16.23-ին գրանցվել էր 6.6 մագնիտուդով երկրաշարժ, որի էպիկենտրոնը գտնվում է Իրանի տարածքում` Ահար քաղաքից1 6-կմ դեպի հյուսիս-արեւմուտք: Երեւանում ցնցումներ են եղել 3-4 բալ, Հայաստանի հարավում` 4-5 բալ, ինչը հարուցել էր բնակիչների լուրջ տագնապը:
