Հանրապետականներից ԱՄՆ փոխնախագահի թեկնածու, Վիսկոնսինից կոնգրեսական Փոլ Ռայանը հայերի վաղեմի բարեկամն է:
Այդ մասին են վկայում Ամերիկայի հայ ազգային կոմիտեի տվյալները:Ռայանը Կոնգրեսի հայկական հարցերով խմբի անդամ է եւ Կոնգրեսում Հայոց ցեղասպանության ճամաչման մասին բանաձեւի համահեղինակ: 2009 թ. հուլիսին Ռայանը ստորագրել էր ԱՄՆ նախագահ Բարաք Օբամային ուղղված` հայ-թուրքական ճանապարհային քարտեզը դատապարտող, իսկ 2008թ. փետրվարին` ԱՄՆ պետքարտուղարին ուղղված Ադրբեջանի ռազմական հռետորաբանությունը դատապարտող նամակներիի տակ:
Նա նաեւ ստամբուլահայ լրագրող Հրանտ Դինքի սպանությունը դատապարտող բանաձեւի համահեղինակներից էր:
