Օգոստոսի 15-ին Գյումրու թիվ 34 ընտրական ընտրատարածքային հանձնաժողովում ավարտվել է Շիրակի մարզի համայնքներում եւ Գյումրիում առաջադրված համայնքի ղեկավարների եւ ավագանու անդամների թեկնածուների ներկայացրած փաստաթղթերի ուսումնասիրման եւ գրանցման գործընթացը:
Գյումրիի «Ասպարեզ» թերթի փոխանցմամբ, թիվ 34 ընտրական ընտրատարածքային հանձնաժողովի նախագահ Էդուարդ Բաղրամյանը հայտնել է, որ օգոստոսի 15-ին իրենք հանձնաժողովի նիստ են անցկացրել, ինքնաբացարկի մասին դիմում է ներկայացրել Գյումրու քաղաքապետի թեկնածու, անկուսակցական Ռաֆայել Ասատրյանը եւ ավագանու թեկնածու, անկուսակցական Մնացական Շահինյանը:
Թիվ 34 ԸԸՀ-ն գրանցել է քաղաքապետի 4 եւ ավագանու անդամի 71 թեկնածուի: