ԼՂՀ-ի եւ Ադրբեջանի զինված ուժերի շփման գծում` Աղդամի ուղղությամբ, հրադադարի ռեժիմը հայկական կողմի խախտելու հետեւանքով ադրբեջանցի զինծառայողի մահվան մասին լուրը չի համապատասխանում իրականությանը: Այդ մասին NEWS.am-ի թղթակցին հայտնել է Հայաստանի պաշտպանության նախարարության մամուլի քարտուղար Արծրուն Հովհաննիսյանը` Ադրբեջանի պաշտպանության նախարարությանը խորհուրդ տալով ինքնուրույն պարզել տեղի ունեցածի հանգամանքները իր իսկ բանակի ներսում, ոչ թե արտաքին մեղավորներ փնտրել:
Հովհաննիսյանի խոսքով` հայկական կողմը չի պատասխանել Ադրբեջանի կողմից հրադադարի ռեժիմը խախտելուն:
Ադրբեջանական լրատվամիջոցների համաձայն` Աղդամի ուղղությամբ վիրավորվել է ադրբեջանական բանակի զինվոր Ջեյհուն Մամեդլին: Նա ծանր վիճակում տեղափոխվել է հիվանդանոց եւ շուտով մահացել:
