Ադրբեջանի որոշումը 2004թ. հայ սպայի մարդասպանին ներում շնորհելու վերաբերյալ հակասում է միջազգային իրավունքի նորմերին, իսկ նրա հերոսացումը կնպաստի տարածաշրջանում առանց այն էլ մեծ լարվածության աճին, ասվում է երկուշաբթի օրը տարածված ՀԱՊԿ-ի գլխավոր քարտուղար Նիկոլայ Բորդյուժայի հայտարարության մեջ:
«Ադրբեջանի իշխանությունները որոշումը Հունգարիայի Հանրապետությունից արտահանձնված հայ սպայի մարդասպանին ներում շնորհելու վերաբերյալ հակասում է միջազգային իրավունքի նորմերին, կասկածի տակ է դնում հանցավորության հակազդեցության միջպետական համակարգի գործունակությունը», -նշվում է փաստաթղթում, գրում է «ՌԻԱ Նովոստին»:
Դրանում նաեւ ասվում է, որ «Այդ քայլը, որն ակնհայտորեն արվել է քաղաքական որոշակի նպատակներով, ոչնչով չի կարելի արդարացնել»:
«Հանցագործի հերոսացումը միայն կնպաստի տարածաշրջանում առանց այն էլ մեծ լարվածության աճին: Համոզված եմ, որ միջազգային հանրությունը չի հապաղի կատարվածին անկողմնակալ գնահատական տալ», - ընդգծել է Բորդյուժան: