Բելառուս զինվորականները ուսումնավարժանքների ընթացքում կրակել են սունկ հավաքողի վրա: Թոշակառուն սունկ հավաքելու էր գնացել եւ պատահաբար ընկել էր կրակահերթի տակ:
Բելառուսի Հանրապետության Քննչական կոմիտեի տվյալններով դեպքը տեղի է ունեցել Սմորգոն քաղաքի մերձակայքում: Տեղաբնակ 60-ամյա տղամարդը գնացել էր սունկ հավաքելու: Երբ նա մոտեցել է հրաձգարանի տարածքին, նրան դիմավորել են տարածքը հսկող զինվորները եւ ետ են ուղղարկել` զգուշացնելով ուսումնավարժանքների մասին, հայտնում է ԲԵԼՏԱ-ն, սակայն տղամարդը այդպես էլ տուն չի վերադարձել:
Տղամարդու անհետացումից հետո, նրա կինը ոստիկանություն է դիմել: Կազմակերպված որոնումների արդյունքում սունկ հավաքողին հայտնաբերել են անտառում` զինվորական հրաձգարանից ոչ շատ հեռու: Ինչպես բացահայտել է փորձաքննությունը, տղամարդը մահացել է պայթեցված արկի բեկորից: