Pussy Riot-ի պաշտպանության ակցիաները հասել են Վրաստան. անհայտ անձանց խումբը վանդալիզմ է գործել` պղծելով Թբիլիսիի կենտրոնում` խորհրդարանի դիմաց գտնվող Քաշվեթի եկեղեցին:

Ինչպես տեղեկացնում է GHN կայքը, եկեղեցու պատին վանդալները սուրբ Նինոյի ծաղրանկարն են պատկերել`  «Free Pussy Riot» մակագրությամբ: Վրաստանի քաղաքացիների նախաձեռնող խումբը այս առիթով մտադիր է սեպտեմբերի 16-ին եկեղեցու դիմաց բողոքի ցույց կազմակերպել, որի ընթացքում կընթերցվի Վրաստանի արդարադատության նախարարին ուղղված նամակ` վանդալիզմին պատշաճ գնահատական տալու եւ քննության միջոցով մեղավորներին գտնելու պահանջով: