2012 թ. 8 ամիսների ընթացքում Հայաստանի Հանրապետության տարածքում արձանագրվել է ճանապարհատրանսպորտային 1521 պատահար, ինչի հետեւանքով 176 մարդ զոհվել է, 2236-ը` ստացել տարբեր աստիճանի մարմնական վնասվածքներ:
Ոստիկանության լրատվության վարչությունից հայտնում են, որ 2011 թ. նույն ժամանակահատվածում արձանագրվել է ճանապարհատրանսպորտային 1367 պատահար, ինչի հետեւանքով 183 մարդ զոհվել է, 2025-ը` ստացել տարբեր աստիճանի մարմնական վնասվածքներ:
2012 թ. 8 ամիսների ընթացքում Հայաստանի Հանրապետության տարածքում արձանագրվել է վրաերթի 453 դեպք, ինչի հետեւանքով 50 մարդ զոհվել է, 434-ը` ստացել տարբեր աստիճանի մարմնական վնասվածքներ:
2011 թ. նույն ժամանակահատվածում արձանագրվել է վրաերթի 453 դեպք, ինչի հետեւանքով 63 մարդ զոհվել է, 460-ը` ստացել տարբեր աստիճանի մարմնական վնասվածքներ:
Լուսանկարը՝ Էդվարդ Արզումանյանի