Սադամ Հուսեյնի նմանակը պնդում է, թե իրաքյան ինչ-որ ավազակախումբ փորձել է իրեն առեւանգել եւ ստիպել նկարահանվել պոռնոֆիլմում:
Մոհամեդ Բիշար անուով եգիպտացին, ով ապշեցուցիչ կերպով նման է իրաքյան հանգուցյալ առաջնորդին, պնդում է, որ ավազակախումբը պատրաստվել է ֆիլմը մատուցել որպես իրաքյան բռնապետի բացառիկ տեսանյութ, հաղորդում է «The Times»-ը:
Բիշարի հարազատների խոսքով` անհայտ անձինք նրան 333 հազ. դոլար են խոստացել Սադամի դերում նկարահանվելու համար: Երբ Բիշարը մերժել է` սպառնալից զանգեր են հնչել, հետո փորձել են առեւանգել: Արդյունքում Բիշարին դեն են նետել մեքենայից, որից հետո նա ուշքի է եկել հիվանդանոցում: