Սիրիայի նախագահ Բաշար ալ Ասադը Հայաստանի նախագահ Սերժ Սարգսյանին շնորհավորել է Անկախության օրվա առթիվ, հաղորդում է սիրիական պետական տեղեկատվական «ՍԱՆԱ» գործակալությունը:
Իր ուղերձում նախագահ Ասադը նշել է. «Սիրիական ժողովրդի անունից եւ իմ կողմից անձամբ շնորհավորում եմ Ձեզ եւ մեր բարեկամ հայ ժողովրդին Հայաստանի անկախության հռչակման առթիվ: Ընդունեք մեր անկեղծ շնորհավորանքները եւ լավագույն մաղթանքները»:
Հիշեցնենք, որ սեպտեմբերի 21-ին Հայաստանը նշում է Անկախության տոնը: Տոնի առթիվ տոնական միջոցառումներ են տեղի ունենում: Հայ-սիրիական հարաբերությունները բարձր մակարդակի են: Սիրիայում է հայկական սփյուռքի ամենամեծ համայնքը:
