Նշանավոր դերասան եւ քաղաքական նախկին գործիչ Առնոլդ Շվարցնեգերը իր հիշողություններում նկարագրել է այն պահը, երբ կնոջը խոստովանել է տնային աշխատակցուհուց երեխա ունենալու մասին: Հիշողությունները շուտով կհայտնվեն ամերիկյան կրպակներում:
Գրքում ասվում է, որ խոստովանությունը տեղի է ունեցել ընտանեկան հոգեբանի այցելության ժամանակ 2011 թ-ի հունվարի 4-ին` նահանգապետի աթոռը լքելու հաջորդ օրը, գրում է The Daily Telegraph-ը:
Դերասանը խոստովանում է, որ պետք է վաղուց պատմեր կնոջը ճշմարտությունը. «Սակայն ճիշտ վարվելու փոխարեն, ես այդ ճշմարտությունը թաքցրել եմ գիտակցության խորքերում եւ փակել եմ այնտեղ`չհիշելով այդ մասին ոչ մի օր»: Շվարցնեգերը պատմել է, որ տնային տնտեսուհու հետ երեխային ստեղծել են Քալիֆորնիայի իր ամառանոցում, երբ կինը մեկնել էր:
Ինտերնետում արդեն ի հայտ է եկել «Ողջ ճշմարտությունը իմ հրաշալի կյանքի մասին» գրքի գովազդը, որը թրեյլերի տեսք ունի: Գովազդումը Շվարցնեգերը խոստանում է, որ իր գրքի էջերում հնարավոր կլինի կարդալ ամերիկյան իր երազանքի իրականացման մասին:
