«Forbes»-ը պարզել է Ռուսաստանի նախագահ Վլադիմիր Պուտինի համակուրսեցիներից մեկի անձը` նա ադրբեջանցի գործարար Իլհամ Ռահիմովն է, 500 մլն արժողությամբ մոսկովյան անշարժ գույքի սեփականատերը:
Ռահիմովն իրավաբանական գիտությունների դոկտոր է, Բաքվում իրավանբանական «Fina LLC» ընկերության գործընկերը: Ըստ «Forbes»-ի աղբյուրների` Ռահիմովն ու Պուտինը միչ օրս պահպանում են բարեկամական հարաբերությունները:Նշվում է, որ Պուտինի` իշխանության գալուց հետո դոկտոր-պրոֆեսոր Ռահիմովի կյանքը կտրուկ կերպով փոխվել է: Նա Ադրբեջանում առաջինն էր, ով «Maybach» էր գնել, հիմա նա ապրում է երկու քաղաքում` Բաքվում եւ Մոսկվայում:
Ըստ աղբյուրների` Ռահիմովը կապված է խոշոր, բազմապրոֆիլ բիզնեսի հետ` ոսկու, նավթի արտահանում, անշարժ գույքի շուկա: