Բաքվում նախատեսում են բողոքի ակցիա անցկացնել Ռուսաստանի ժողովրդական արտիստ Ֆիլիպ Կիրկորովի ժամանման կապակցությամբ, որի համերգը պետք է կայանա Հեյդար Ալիեւի անվան համերգասրահում:
«Չի կարելի Պետական դրոշի օրը (նոյեմբերի 9-ին) թույլատրել հայկական արմատներ ունեցող Կիրկորովի այցը մեր մայրաքաղաք: Դիմելով կազմակերպիչներին` ցանկանում եմ նշել, որ դեռեւս ուշ չէ: Եթե կազմակերպիչները որոշեն համերգն անցկացնել, մենք մտադիր ենք բողոքի ցույց անցկացնել Հեյդար Ալիեւի պալատի առաջ», - Vesti.Az-ին հայտնել է «Ղարաբաղի ազատագրման կազմակերպության» նախագահ Ակիֆ Նագին:
Հիշեցնենք, որ ռուս հայտնի երգիչ, ժողովրդական արտիստ Ֆիլիպ Կիրկորովը նոյեմբերի 9-ին մենահամերգով հանդես կգա Բաքվում: Տվյալ համերգը երգչի առաջին մենահամերգն է Ադրբեջանի մայրաքաղաքում: Ավելի վաղ Ֆիլիպ Կիրկորովը Բաքվում մասնակցել էր ռուսական աստղերի խմբակային համերգին` նվիրված Իգոր Կրուտոյի բենեֆիսին: