Ամերիկացի իլյուզիոնիստ Դեւիդ Բլեյնը 72 ժամ կմնա արհեստական կայծակի լարման տակ, որը կստեղծվի Տեսլա տրանսֆոմատորի կողմից: Իր հնարքը նա կիրականացնի հոկտեմբերի 5-8-ը Նյու Յորքի ամբարտակներից մեկում:
Իլյուզիոնիստը կկանգնի 6 մետր բարձրությամբ հարթակի վրա` փաթաթված 10 կգ քաշ ունեցող երկաթյա շղթայով: Շղթան կծառայի որպես Ֆարադեյի վանդակ եւ կպաշտպանի իլյուզիոնիստին հոսանքի լիցքերից:
72 ժամերի ընթացքում Բլեյնը ստիպված կլինի մնալ առանց սննդի, իսկ ջուրը կխմի ձողիկի միջոցով: Քանի որ Տեսլայի էլեկտրական կոճերը շատ ուժեղ ձայն են հանում, Բլեյնը ականջները կպաշտպանի հատուկ ականջակալներով, որոնց օգնությամբ նա նաեւ կապ կպահպանի կազմակերպիչների եւ հանդիսատեսի հետ, փոխանցում է ՌԻԱ Նովոստին:
Ինչպես նշում են կազմակերպիչները, չնայած այն հանգամանքին, որ Տեսլայի տրանսֆոմատորի ելքային լարումը կարող է հասնել միլիոն վոլտի, նրանց արտահոսքը չի կարող վնաս հասցնել օրգանիզմին: Իլյուզիոնիստի առողջության համար գլխավոր վտանգը ներկայացնում են գազերը` օզոնը եւ ազոտը, որոնք առաջանում են թթվածնի եւ հոսանքի շփման ժամանակ: Թունավորման հնարավորությունը նվազեցնելու նպատակով Բլեյնը ապահովված կլինի օդափոխության հատուկ համակարգով:
Նախկինում Բլեյնը արդեն բազմիցս ուսումնասիրել է մարդկային մարմնի հնարավորությունները: Մասնավորապես նա 44 օր կախված է մնացել Թեմզայի վրա ապակե խորանարդում եւ 63 ժամ` սառույցի մեծաբեկորի մեջ:
