Բրիտանացի փոփ-երգչուհի Սարա Բրայթմանը Մոսկվայում կայացած ասուլիսի ժամանակ հայտնել է` որպես զբոսաշրջիկ Միջազգային տիեզերակայան թռչելու իր ցանկության մասին: Երգչուհու խոսքով, նա ստացել է Ռոսկոսմոսի թույլտվությունը եւ կարող է արդեն պատրաստվել թռիչքին:
Երգչուհին հայտնել է, որ 2013 թ-ին համաշխարհային շրջագայության կմեկնի, որի ավարտից հետո կես տարի կնախապատրաստվի տիեզերական թռիչքին:
Թռիչքի ժամկետները այժմ համաձայնեցվում են Ռոսկոսմոսի եւ ՄՏԿ-ի այլ գործընկերների միջեւ, փոխանցում է ՎԶԳԼՅԱԴ-ը:
Բրիտանական երգչուհին հայտնել է, որ անցյալ տարվա հուլիսին ռուսական Աստղային քաղաքում բժշկական եւ ֆիզիկական զննում է անցել: Բրայթմանի խոսքով, տիեզերքի մասին նա երազում է դեռեւս 8 տարեկանից, հաղորդում է «Մայակը»:
ՄՏԿ թռիչքի ժամանակ երգչուհին նպատակ ունի մի շարք ծրագրեր իրականացնել ՅՈՒՆԵՍԿՈ-ի հետ, փոխանցում է «ՌԻԱ Նովոստին»: Իսկ թե ինչ ծրագրեր է նախատեսում իրականացնել երգչուհին, հայտնի կդանա ավելի ուշ:
Բրայթմանը իր գործունեությունը սկսել է որպես պարուհի, իսկ հետագայում դարձել է «Կատուներ» եւ «Օպերայի ուրվականը» մյուզիքլների աստղը: Նա երկու անգամ երգել է Օլիմպիական խաղերի բացման ժամանակ: