Դերասանուհի Մարինա Գոլուբի ընկերները կասկած են հայտնել ահավոր վթարի կապակցությամբ, որի ժամանակ նա զոհվել է: Տեղեկություն է ի հայտ եկել այն մասին, որ նրան սպառնացել են գործարար, «Մարտի 8» կահույքի հոլդինգի սեփականատեր Միխայիլ Կրավչենկոյի սպանության սեփական հետաքննության հետ կապված:
Գոլուբը Կրավչենկոյի հետ ծանոթացել էր մի քանի տարի առաջ: Կրավչենկոյի մահն ուժեղ ազդեցություն էր թողել դերասանուհու վրա: Հայտնի է դարձել, որ մահվան նախօրեին Գոլուբը զանգել է գործարարի մորն ու ասել, որ հարկավոր է հանդիպել:
Կրավչենկոյի մայրը պատմել է, որ Մարինան զանգել է իրեն եւ ասել, որ ինչ- որ բան ունի հայտնելու, որը հեռախոսային խոսակցություն չէ:
Մարինան շարունակել է զբաղվել Միխայիլի սպանության սեփական հետաքննությամբ: Նա նաեւ ասել է, որ ինքը սպառնալիքներ է ստանում, պատմել է կինը:
Սակայն հատուկ ծառայությունների փորձագետների կարծիքով, եթե քիլերները ցանկանային լռեցնել Գոլուբին, նրան չեզոքացնելու ավելի հեշտ միջոցներ կգտնեին:
