Բորիս Բերեզովկսին համաձայնել է փակել Լոնդոնի Բարձրագույն դատարանում Ռոման Աբրամովիչի ծախսերը, որը կազմել է 35 միլիոն ֆունտ ստերլինգ: Նախնական շրջանում հաղորդվել էր 40 միլիոն ֆունտ ստերլինգի մասին, սակայն Աբրամովիչը համաձայնել է այն իջեցնել 5 միլիոն ֆունտ ստերլինգով: Ընդ որում Բերեզովսկի պարտավորվել է չբողոքարկել դատարանի օգոստոսյան վճիռը:
Բերեզովսկին նաեւ պարտավոր է փակել եւս մեկ պատասխանատուի` Վասիլի Անիսիմովի ծախսերը, որը գնահատվել է 3,75 միլիոն ֆունտ ստերլինգ, փոխանցում է BFM.RU-ն:
Ինչպես գրում է The Financial Times թերթը, երկու ռուսների վեճը դարձել է լոնդոնյան դատական վարույթների պատմության ամենաթանկ գործընթացը: Աբրամովիչի իրավապաշտպաններից միայն մեկի` լորդ Ջոնաթան Սամպշընի աշխատավարձը գերազանցում է 3 միլիոն ֆունտը: Թերթը նշում է, որ ախսերի փակման համաձայնությունը վերջակետ է դնում գործընթացի վրա, որը տեւել է մի քանի մաիս:
Ավելի վաղ NEWS.am-ը հաղորդել էր, որ Լոնդոնի Բարձրագույն դատարանը որոշում է կայացրել երկու ռուս օլիգարխների միջեւ ծագած վեճի կապակցությամբ. Աբրամովիչը ոչինչ չի վճարի Բերեզովսկուն:
Դատարանը չի բավարարել Բորիս Բերեզովսկու այցը, ըստ որի օլիգարխը 5,5 միլիարդ դոլար է պահանջել Ռոման Աբրամովիչից` նրան մեղադրելով 2000 թ-ի սկզբից ռուսական մի շարք ընկերությունների ակտիվների վաճառքի մեջ, հայտնում է «Կոմսոմոլսկայա պրավդան»:
Հիշեցնենք, որ «փախստական» Բերեզովսկին «Չելսիի» տիրոջը մեղադրում է այն բանում, որ վերջինս «սպառնալիքների եւ խաբեության» միջոցով ստիպել է իրեն ցածր գներով վաճառել «Սիբնեֆտի» եւ «Ռուսալայի» 50 տոկոս բաժնետոմսերը: Նա վստահեցնում է, որ այս ընկերությունները տնօրինել է Ռոման Աբրամովիչի եւ հանգուցյալ Բադրի Պատարկացիշվիլիի հետ միասին:
Իր հերթին Ռոման Աբրամովիչը վստահեցնում է, որ Բերեզովսկին երբեք չի տնօրինել այս ընկերությունների բաժնետոմսերի մի մասը: Նա պնդում է, որ Բորիս Բերեզովսկու դերը եղել է միայն քաղաքական հովանավորությունը` գումարային ողջ ծախսերը բացատրելով որպես «տանիքային»: