Մոսկվայում վերջերս կայացած վարսավիրական արվեստի մրցույթում մի քանի անվանակարգերում լավագույնն է ճանաչվել Էլենդրիկ Գեոգջայանը Ստավրոպոլից:
Ինչպես հայտնում է «Երկրամասը», Գեոգջայանն այդ հողինակավոր մրցույթում ստեղծել է երկրի լավագույն երեկոյան սանրվածքը, Ինչպես նաեւ Ռուսաստանում կանացի լավագույն սանրվածքը:
Ինչպես հայտնում է «Մոսկովսկի կոմսոմոլեցը», ռուսական մայրաքաղաքում Էլենդրիկից բացի պատվո հարթակ են բարձրացել Սվետլանա Գալդան, որը մի քանի արծաթե մեդալ է նվաճել, Նարեկ Բաբայանը, ով, չնայած ընդամենը 23 տարեկան հասակին, լուրջ հաջողություններ է ունենում եւ բրոնզե ու շատ այլ մեդալներ նվաճում:
Ստավրոպոլի վարսահարդարների թիմն իր հաղթանակը նվիրել է հայրենի քաղաքի 235-ամյակին:
Էլենդրիկ Գեոգջայանն այս օրերին պատրաստվում է վարսավիրական արվեստի Եվրոպայի եւ աշխարհի առաջնություններին: