115-ամյա ճապոնացի Կիմուրա Ձիրոեմոնը դարձել է աշխարհի ամենատարեց մարդը` ըստ Գինեսի ռեկորդների գրքի: Կիմուրայի պաշտոնական պարգեւատրումը եւ լիազորագրի հանձնումը տեղի է ունեցել նրա տանը:
Այդպիսով, Կիմուրան պաշտոնապես դարձել է աշխարհում երրորդ երկարակյացը, հայտնում է LifeNews-ը:
Կիմուրա Ձիրոեմոնը մինչեւ 90 տարեկանն ակտիվ զբաղվել է ագարակային տնտեսությամբ: Նա լրագրողներին բացահայտել է երկարակեցության իր գաղտնիքը` կերակուրն ինչքան էլ համեղ լինի, պետք է միշտ չափավոր ուտել: Ներկայումս Կիմուրան ունի 7 երեխա, 14 թոռ, 25 ծոռ եւ ծոռների 13 երեխաներ: