Դելավեր քաղաքում (Օհայո նահանգ) Միշել Օբամային ուղեկցող շարասյան երկու մոտոցիկլավարներ բախվել են միմյանց: Երկուսն էլ տուժել են եւ տեղափոխվել հիվանդանոց: Առաջին տիկինը մեկնում էր օդանավակայան:
Ինչպես հայտնում է Reuters-ը, Միշել Օբամայի շարասյունը վթարի պատճառով կանգ չի առել: Առաջին տիկինը չի տուժել: Վնասված մոտոցիկլավարները մոտ օրերս դուրս կգրվեն հիվանդանոցից, հաղորդում է ՆՏՎ-ն:
Հիշեցնենք, որ ԱՄՆ-ի առաջին դեմքերին ուղեկցողների հետ վերջերս շատ դժբախտ պատահարներ են տեղի ունենում: Սեպտեմբերին Ֆլորիդա նահանգում մահացու վրաերթի էր ենթարկվել նախագահի շարասյան համար ճանապարհը փակած ոստիկանը: