Հայտնի երաժիշտ եւ երգահան Սերժ Թանկյանը հայտարարել է, որ իր ձայնում հայ ժողովրդից ժառանգած մասնիկ կա:
«Huffington Post»-ի հետ հարցազրույցում Թանկյանը հերթական անգամ պատմել է իր արվեստի վրա հայկական արմատների ազդեցության մասին:
«Կարծում եմ` ձայնիս որոշակի մելամաղձությունը իմ ժողովրդի ազդեցությունն է: Դա բնորոշ է հայ ժողովրդին, քանի որ, 600 տարի ապրելով Օսմանյան Թուրքիայի տիրապետության տակ, համարվել են երկրորդ կարգի քաղաքացիներ», - նշել է նա:
Պատասխանելով ձայնի վրա իր ծագման ազդեցության մասին հարցին` Թանկյանն ընդգծել է, որ դրանում Ցեղասպանության ցավ կա, ինչ-որ երանգ, որ բարդ է նկարագրել: