Արդեն 40 օր է, ինչ ԿԺԴՀ «Մեծն ժառանգորդ» Կիմ Չեն Ինի տիկինը հանրությանը չի երեւում: Արեւմտյան մամուլն սկսել է գուշակություններ անել, թե ինչու նախկին երգչուհի Լի Սուլ Չժուն, ով երկու ամիս առաջ էր ստանձնել առաջին տիկնոջ դերը, այլեւս չի երեւում պաշտոնական միջոցառումներին:
Լրատվամիջոցների հաղորդմամբ, անհետացման երկու վարկած կա. ըստ առաջինի` տիկինը, որը հանրությանը երեւացել է ֆրանսիական հայտնի բրենդային պայուսակով, ստիպված է գտնվել կարանտինում: Համաձայն մյուս վարկածի` տիկինը հղի է:
Հիշեցնենք, որ Կիմ Չեն Ինի պաշտոնական ամուսնության մասին հայտարարվել էր հուլիսի 2-ին, թեեւ նա իր ընտրյալի հետ ավելի շուտ էր ներկայանում հանրությանը, տեղեկացնում է NEWSru.com-ը:
