Ավստրալիայի վարչապետ Ջուլիա Գիլարդը ծիծաղելի դրության մեջ է հայտնվել բարձրակրունկ կոշիկների պատճառով:
Պաշտոնական այցով Հնդկաստանում գտնվելով` նա այցելել է Մահաթմա Գանդիի հուշահամալիրը, որտեղ ծաղիկներ է դրել նրա գերեզմանին: Նախագահական պալատի ճանապարհին Գիլարդի կոշկի կրունկը խրվել է հողի մեջ, եւ նա ընկել է խոտերին: Ուղեկցողները վարչապետին օգնել են բարձրանալ: Գիլարդը բացատրել է, որ չի կարողանում հրաժարվել բարձրակրունկներից: Բարեբախտաբար, վնասվածքներ չեն եղել, հայտնում է ՆՏՎ-ն:
Դա բարձրակրունկ կոշիկների պատճառով Ավստրալիայի վարչապետի հետ կատարված առաջին ծիծաղելի դեպքը չէ:
Տարեսկզբին Կանբերայում ցուցարարների հետ վեճի ժամանակ Գիլարդի կոշիկի կրունկը կոտրվել էր: Այնինչ բարձրակրունկներից հրաժարվելու բոլոր առաջարկները նա մերժել է, մտավախություն ունենալով, որ ավստրալական նորաձեւության քննադատները կքննադատեն «կիսաշրջազգեստի հետ ցածր կոշիկներ կրելը»: