Ռուսաստանում դեռահասի ինքնասպանության նոր դեպքը ցնցել է հանրությանը: Դեպքը տեղի է ունեցել հոկտեմբերի 22-ին Կրասնոյարսկի շրջանում: Մինուսինսկում տեխնիկումի 16-ամյա ուսանողը ինքնասպանություն է գործել` դուրս նետվելով լուսամուտից: Դեպքից առաջ աղջիկը խմել է եւ անդրշիրիմյան ծես է կատարել: Երբ ոստիկանները կոտրել են ներսից փակված դուռը եւ սենյակ են մտել, հատակին գարեջրի եւ գինու դատարկ շշեր են հայտնաբերել, ինչպես նաեւ ոգեհարցության սեանսի համար նախատեսված իրեր` սատանային կանչելու գործողությունները նկարագրող տետրեր, շրջանի մեջ ներառված հնգանկյուն աստղի նկար, որի կենտրոնում դանակ է դրված եղել»,-ասվում է հետաքննության շրջանային վարչության հայտարարության մեջ:
Նաեւ հայտնաբերվել է օրագիր, որում աղջիկը գրություն է թողել: Թե ինչ է գրել ուսանողուհին, եւ ինչի մասին էր մտածում վերջին պահին, չի հաղորդվում: Նաեւ անհայտ է, թե ինչ վիճակում է հիմա տուժածը. Հիվանդանոց նրան տեղափոխել են ծանր վիճակում: Հետաքննիչները բացահայտում են դեպքի մանրամասները, հաղորդում է NEWSru.com-ը:
Վերջին օրերին գրանցվել է մանկական ինքասպանությունների մի քանի դեպք, նշում է «Ինտերֆաքսը»: Հոկտեմբերի 10-ին Տյումենի Նիժնետավդինյան շրջանում կախված է հայտնաբերվել 16-ամյա դպրոցական: Հոկտեմբերի 15-ին Տյումենի Վահասյան շրջանում ինքնասպանություն է գործել 15-ամյա աշակերտուհին: նա դուրս է եկել դպրոցից,, իսկ հետո ավելի ուշ նրան կախված են հայտնաբերել: Հոկտեմբերի 17-ին Բրյանսկի շրջանում իր տան մոտ կախվել է 16-ամյա աշակերտուհին: Հոկտեմբերի 19-ին Նովոսիբիրսկում ինքնասպան է եղել 12-ամյա աղջիկ: