54-ամյա Ա. Ա-ն 2 տարի շարունակ պարբերաբար ծեծի է ենթարկել կնոջը անգամ այն դեքում, երբ կինը հղի է եղել: Էրեբունի եւ Նուբարաշեն համայնքների վարչական շրջանի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
54-ամյա Ա. Ա-ին մեղադրանք է առաջադրվել այն բանի համար, որ նա կենցաղային հարցերի շուրջ պարբերաբար ծեծի է ենթարկելու եւ բռնի գործողություններ կատարելու միջոցով խոշտանգել է իրենից ամուսնական կախվածության մեջ գտնվող, ակնհայտ հղի կնոջը` Ն. Ա-ին, նրան բազմիցս պատճառելով ուժեղ ֆիզիկական ցավ, մարմնական եւ հոգեկան տառապանքներ: Բացի դա գտնվելով ալկոհոլի ազդեցության տակ մեկ անգամ էլ վիճաբանության մեջ է մտել իր հորաքույր Ա. Ս-ի եւ նրա ամուսին Վ. Չ-ի հետ, որի ընթացքում դիտավորյալ ձեռքերով հարվածներ է հասցրել վերջիններիս ու նրանց առողջությանը պատճառել առողջության թեթեւ վնասի հատկանիշներ չպարունակող վնասվածքներ:
Քրեական գործ է հարուցվել մի 118 հոդվածի , 119 հոդվածի 2 –դ մասի 3 կետի , 119 հոդվածի 2-րդ մասի 4-րդ կետով: Խափանման միջոց ընտրվել է ստորագրությամբ չհեռանալը: Գործը դատարան է ստացվել նոյեմբերի 1-ին առաջիկայում կնշանակվի դատական քննության օրը:
