ՀինգշաբթիՀուլիս 31
  • USD 406.57
  • EUR 546.19
  • RUB 11.38

«Աէրոֆլոտի» բեռնակիրները թալանել են ուղեւորների ուղեբեռները

17:40, 13.02.2013 Տարածաշրջան: Ռուսաստան Թեմա: Պատահարներ

Մոսկվայի «Շերեմետեւո» օդանավակայանում ոստիկանությունը ձերբակալել է «Աէրոֆլոտ» ընկերության երկու բեռնակիրների, որոնք զբաղվում էին ուղեւորների ուղեբեռների թալանով: Բեռնակիրների կասկածելի վարքին առաջինն ուշադրություն են դարձրել ոչ թե ոստիկանները, այլ`օդանավակայանի ուղեւորափոխադրումների կազմակերպման հարցերով տնօրինության աշխատակիցները, հաղորդում է РСН-ն:

Երբ նրանք մոտեցել են «Աէրոֆլոտ» ընկերության բեռնակիրների հանգստյան սենյակին, նրանց դեմ հանդիման են դուրս եկել երկու աշխատակիցներ, ովքեր վազել են դեպի զուգարան եւ թաքնվել այնտեղ մոտ 10 րոպե:

Մտնելով հանգստյան սենյակ, տնօրինության աշխատակիցները այնտեղ բացված ուղեբեռ են տեսել, որի մոտ եղել է դանակ, պտուտակահան եւ սքոչ: Սենյակում եղել են «Աէրոֆլոտի» երկու աշխատակիցներ, ովքեր չեն կարողացել հոդաբաշխ բացատրություն տալ, թե ինչու են բացված ուղեբեռները գտնվում հանգստյան սենյակում:

Դեպքի վայր են ժամանել ոստիկանները, ովքեր արձանագրել են ուղեբեռը բացելու փաստը: Սենյակի նախնական զննման արդյունքում հայտնաբերվել է էլիտար խմիչք, կոսմետիկա, թանկարժեք կոնֆետներ, կաշվե իրեր, չօգտագործված մինի Ipad:

Օդանավակայանի ղեկավարությունը հայտարարել է, որ տեղի ունեցածի պատասխանատվությունը կրում է «Աէրոֆլոտը», քանի որ այն ինքնուրույն է իրականացնում իր չվերթների «հենդլինգը»:

Ձերբակալված 4 բեռնակիրների նկատմամբ քրեական գործ է հարուցվել` «գողություն» հոդվածի հատկանիշներով:

Լուրեր Հայաստանից - NEWS.am

Այս թեմայով

Վաղարշակին լողափից տարան քրեակատարողական հիմնարկ

Նոր Նորքի եւ Արաբկիրի բաժինների ծառայողները Սեւանա լճի լողափերից մեկում հայտնաբերել եւ բերման են ենթարկել...

Կինը տեսել էր կողոպտչին եւ ճանաչել

Կողոպտչի եւ տուժող կնոջ հերթական հանդիպման տրամաբանական վախճանը...

Մարմնական վնասվածք հասցնելու 8 դեպքից բացահայտվել է 2-ը

Օպերատիվ իրավիճակը հանրապետությունում...

Նրան որոնում էին ուզբեկ իրավապահները

Հայտնաբերման մասին հայտնվել է հետախուզումը նախաձեռնողին...

Վթար Էջմիածին-Մարգարա ճանապարհին

Իրար են բախվել «Ֆոլքսվագեն» եւ «ԲՄՎ» մակնիշի ավտոմեքենաներ...

«Մերսեդես»-ի ընթացքի ժամանակ կինը սրահից վայր է ընկել

Արարատի մարզի Ազատավան գյուղի Արտաշատյան խճուղու սկզբնամասում...