Ֆրանսիական զարգացման գործակալությունն, իրականացնելով Ֆրանսիայի կառավարության պաշտոնական օժանդակությունը, պատրաստակամություն է հայտնել ֆինանսավորելու Հայաստանի մի շարք ենթակառուցածքային ծրագրեր: ՀՀ ֆինանսների նախարարության առաջարկով՝ ՀՀ կառավարության եւ ֆրանսիական զարգացման գործակալության միջեւ համաձայնագրի կնքմանը համաձայնություն տալու հարցը ներառված է ՀՀ կառավարության ապրիլի 18-ի նիստի օրակարգում:
Ֆինանսավորման համաձայնագրի ծրագրերը ներառում են Վեդիի ջրամբարի կառուցմանն ուղղված ծրագրի նախապատրաստական փուլի իրականացումը, Տաթեւ զբոսաշրջային կենտրոնում ներառված համայնքների զարգացման ծրագիրը, կոշտ թափոնների կառավարումը, աջակցություն Երեւանի ջրմուղկոյուղուն եւ առողջապահության ոլորտին:
Ծրագրերը պետք է ֆինանսավորվեն դրամաշնորհի տեսքով: