Հոլանդիայի ոստիկանությունը հաղորդել է Լեյդեն քաղաքի դպրոցներից մեկում կրակ բացելու սպառնալիքներ հնչեցնող հանցագործին ձերբակալելու մասին: Խոսքը վերաբերում է 20 հազարից քիչ ավելի բնակչություն ունեցող, Լեյդեն քաղաքի մերձակայքում գտնվող Ֆորսհոթեն ոչ մեծ քաղաքի բրիտանական դպրոցի նախկին աշակերտի մասին: Այդ դպրոցում սովորում են 11-18 տարեկան դեռահասներ:
Հիշեցնենք, որ նախօրեին անգլալեզու 4Chan կայքում նմանատիպ հաղորդագրություն է տարածվել, որտեղ անհայտ անձնավորությունը սպառնացել է ապրիլի 22-ին դպրոցներից մեկում գնդակահարել ուսուցչին եւ «որքան հնարավոր է` շատ աշակերտների»: Հոլանդիայի իշխանությունները որոշում են ընդունել փակել բոլոր միջնակարգ դպրոցները եւ մասնագիտական ուսումանարանները:
Ինչպես գրում է ԻՏԱՌ-ՏԱՍՍ-ը, սկզբանական եւ մինչդպրոցական ուսումնական հաստատությունների վրա արգելքը չի ազդում, սակայն ծնողների մեծամասնությունը գերադասել է երեխաներին տանը թողնել: Բարձրագուն ուսումնական հաստատությունները գործում են նախկին կարգով:
