Հայաստանի քաղաքացի Հարություն Պեպանյանը 2013 թվականի ապրիլին ստացել է «Ստորջրյա հորատանցքերի խցանման համակարգ» անվանմամբ Եվրասիական արտոնագիր: Արտոնագիրը գործում է Եվրասիական արտոնագրային համաձայնագրի երկրների (Ադրբեջան, Ղրղըզստան, Հայաստան, Բելառուս, Ղազախստան, Տաջիկստան, Ռուսաստանի Դաշնություն, Թուրքմենստան եւ Մոլդովա) տարածքներում:
Արտոնագրում ներկայացված է սկզբունքորեն նոր համակարգ, որը թույլ է տալիս ցածր նյութական ծախսերով եւ աշխատատարությամբ խցանել ստորջրյա վթարային հորատանցքեր:
«Ակնկալում եմ համագործակցություն շահագրգռված անձանց եւ կազմակերպությունների հետ՝ արտոնագրի ներդրման եւ հետագա ուսումնասիրությունների նպատակով, մանավանդ որ տեխոլոգիան ունի կարեւոր նապահանական նշանակություն», - նշել է Ա. Պենանյանը:
Տեսականորեն, տեխնոլոգիան թույլ է տալիս կոնսերվացնել ոչ միայն նավթային, այլ ցանկացած հեղուկ արտահոսքով հորատանցքեր, ներառյալ՝ հանքային ջրերի: Եթե նավթային հորատանցքերի վրա այն կարելի է գործարկել իայն արտասահմանում, ապա երկրորդ ուղղությամբ Հայաստանում էլ, թերեւս, առկա է որոշակի պահանջարկ: Խոսքը, մասնավորապես, Սեւանի շրջակայքում գտնվող Լիճքի հանքային աղբուրների մասին է, որոնք հետխորհրդային ժամանակ չեն շահագործվել: