Հունիսի 1-ին, ժամը 08.04-ին ահազանգ է ստացվել, որ Երեւան-Սեւան ավտոճանապարհի 13-րդ կմ-ում տեղի է ունեցել ավտովթար. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել մեկ մարտական հաշվարկ:
Դեպքի վայրում են գտնվել ՀՀ ԱԻ նախարար Արմեն Երիցյանը, ՓԾ օրվա պատասխանատու փրկարար ծառայության գնդապետ Ա.Վարդանյանը եւ ՕԿՎ պետ փրկարար ծառայության գնդապետ Ա. Ցոլակյանը: Տուժածները տեղափոխվել են տարբեր բժշկական կենտրոններ:
Պարզվել է, որ բախվել են «Մերսեդես Պրինտեր» մակնիշի Ф678 ХК 34 համարանիշի միկրոավտոբուսը եւ «ՎԱԶ 21 012» մակնիշի 24 ՏՏ 112 համարանիշի ավտոմեքենան: Միկրոավտոբուսը շրջվել է:
«Մերսեդես Պրինտեր» միկրոավտոբուսի վարորդ՝ 51-ամյա Աշոտ Ռաֆյանը, ուղեւորուհիներ՝ Ելենա Օխիկյանը եւ Հայկանուշ Սահակյանը տեղափոխվել են Աբովյան քաղաքաի հիվանդանոց, որտեղ ստանալով համապատասխան բուժօգնություն, դուրս են գրվել:
Այս պահի դրությամբ 6 տուժած տեղափոխվել է «Գրիգոր Լուսավորիչ» բժշկական կենտրոն:
