News
Լրահոս
News
Կիրակի
Ապրիլ 26
USD
473.96
EUR
511.4
RUB
8.87
Տեսնել լրահոսը

Եթե Հայաստանում հանգիստ անցկացողների նախընտրություններն ավելի քիչ եւ ուշ են փոխվում, ապա նույնը չի կարելի ասել արտերկրում հանգստանալ նախընտրող հայերի մասին: NEWS.am-ի թղթակիցը տուրիստական գործակալություններից փորձել է պարզել, թե Հայաստանում եւ արտերկում որտեղ են հանգստի մեկնում հայերը եւ ինչ գներ են գործում:

Այսպես, «Ռիմա թրավելից» մեզ հայտնեցին, որ Հայաստանում հանգիստը հիմնականում նախընտրում են անցկացնել նորապսակները, ովքեր սոցիալական առումով այնքան ապահովված չեն, որ մեկնեն արտերկիր, հետեւաբար`  նախընտրում են որեւէ հյուրանոցում երկու-երեք օր անցկացնել: Այստեղ հանգստացողները հիմնականում մեկնում են Ջերմուկ, առողջական խնդիր ունեցողները երբեմն ստիպված են լինում այնտեղ հանգիստն անցկացնել: 7օրյա հանգիստը երկու անձի համար Ջերմուկում սկսվում է 210 հազար դրամ, Արզնիում` 240 հազար դրամ, Դիլիջանում`  245 հազար դրամից, Աղվերանում` 203 հազար դրամից,  Ծաղկաձորում` 280 հազար դրամից:

«Դոլչե թարվելից»  մեզ հայտնեցին, որ մեկօրյա հանգիստը Ծաղկաձորում սկսվում է 5000 հազար դրամից, Սեւանում` 10 հազար դրամից, իսկ Ջերմուկում` 12 հազար դրամից: Իսկ «Ռեստ տուրի» փոխանցմամբ` Ծաղկաձորում մեկօրյա հանգիստը սկսվում է 12-13 հազար դրամից:

«Արգո տուրից» մեզ հայտնեցին, որ այստեղ հիմնականում նախընտրում են հանգիստն անցկացնել սփյուռքահայերը, օտարերկրացիները, որոնք բացի Ծաղկաձոր, Դիլիջան, Սեւան մեկնելուց, սկսել են նաեւ Ղարաբաղ գնալ: Տուրգործակալության փոխանցմամբ` հայաստանյան հանգստավայրերում մեկ անձի համար 7օրյա հանգիստը սկսվում է 100 հազար դրամից:

Ինչ վերաբերում է արտերկիր մեկնելուն, ապա հայ զբոսաշրջիկները շատ են ցանկանում մեկնել եվրոպական երկիր` հանգստանալու, բայց ավիատոմսների թանկության, վիզա ստանալու եւ թղթաբանության խնդրի առաջ կանգնելուն պես հրաժարվում են այդ ցանկությունից, եւ մեկնում են հիմնականում Եգիպտոս, Թուրքիա, Արաբական Միացյալ Էմիրություններ:

«Ռիմա թրավելի» փոխանցմամբ` 7 օրյա հանգիստը մեկ անձի համար Եգիպտոսում սկսվում է  450 դոլարից, Անթալիայում` 900 դոլարից, Հունաստանում` 1500 դոլարից, Բուլղարիայում` 1300 դոլարից, իսկ Դուբայում այս տարի փոքր-ինչ թանկացել է` 800-900 դոլար, ինչը պայմանավորված է «Արմավիայի» սնանկացումից հետո ավիատոմսերի բարձր գներով: Վրաստանում  հանգիստը համեմատաբար էժան է, մեկ անձի համար 7օրյա հանգիստը սկսվում է 75 հազար դրամից: Եվրոպական երկրներում մեկշաբաթյա հանգիստը մեկ անձի համար կարժենա մոտ 1500 եվրո:

«Դոլչե թրավելից» հայտնեցին, որ այս տարի Անթալիայում հանգիստն անցկացնել ցանկացողների թիվը նվազել է` պայմանավորված այնտեղից ստացվող «ոչ լավ լուրերով»` քաղաքական լարված իրավիճակ, հայերի սպանություններ եւ այլն: Փոխարենը հայ զբոսաշրջիկները մեծ հետաքրքրություն են ցուցաբերում Եգիպտոսի նկատմամբ, այսպես մեկ անձի համար 7օրյա հանգիստն Անթալիայում սկսվում է 450 դոլարից, Եգիպտոսում` 420 դոլարից, իսկ Դուբայում`2 անձի համար մեկշաբաթյա հանգիստն կարժենա 880 հազար դրամ:  «Եվրոպական երկրներ մեկնել ցանկացողները եւս շատ են, բայց գները իմանում են, փոշմանում են, կա նաեւ վիզաների խնդիր»,- ասաց աշխատակիցը` հավելելով, որ մեկ անձի համար 7օրյա հանգիստը Իտալիայում, Ֆրանսիա սկսվում է 870 եվրոյից:

«Արգո տուրից» հայտնեցին, որ 7օրյա հանգիստն 2 անձի համար Անթալիայում սկսվում է 2300 դոլարից, Դուբայում` 1500-2000 դոլարից, Բուլղարիայում` 2500-3000 դոլարից: Եվրոպական երկրներից հայերը նախընտրում են Ֆրանսիան, Իտալիան, Իսպանիան, ինչպես նաեւ էկզոտիկ երկրները` Կուբա, Թաիլանդ, Շրի Լանկա, այս վայրերում 2 անձի համար 7օրյա հանգիստը սկսվում է 2000-3000 դոլարից:

!
Այս նյութը հասանելի է նաև   Русский
Տպել
Այս թեմայով
Ամբողջ
Լույս չի լինելու Երեւանի եւ մարզերի որոշ բնակավայրերում
Պլանային եւ վերանորոգման աշխատանքներ իրականացնելու նպատակով, հետագայում վթարներից խուսափելու համար...
Ջուր չի լինելու Շենգավիթի որոշ հատվածներում
Ընկերությունը հայցում է սպառողների ներողամտությունը պատճառված անհանգստության եւ կանխավ շնորհակալություն հայտնում ըմբռնման համար...
159 մանկապարտեզի համար ծախսել ենք 6 մլրդ դրամ. Տարոն Մարգարյան
Մանկապարտեզների գույքի թարմացումը եւս առանձնակի կարեւորված է մեր կողմից, ընդ որում, մենք կարեւորել ենք ոչ միայն սեղան-աթոռների եւ մահճակալների թարմացումը, այլ նաեւ ծրագրում ներառել ենք խոհանոցային պարագաները...
Չիվնինգի կրթաթոշակների 2015-2016 ուստարվա դիմումներն ընդունվում են օգոստոսի 1-ից
Կրթաթոշակի նպատակն է ներգրավել արհեստավարժ մասնագետների, ապագա առաջնորդների, որոշում կայացնողների ու կարծիք ձեւավորողների...
«Ժամանակ». Երեւանցի մարմնավաճառների «գործն» սկսվում է տաքսու մեջ
Որոշ վարորդներ նկատեցին, որ երբ իրենց մեքենան հաճախորդ է նստում, չեն կարող հետաքրքրվել, թե ով է ինչու է հյուրանոց, ռեստորան կամ կարաոկե գնում...
Ամրապնդեք կապը հայրենիքի հետ. վարչապետը՝ «Սփյուռք» ամառային դպրոցի երեխաներին
Ամենակարեւորը Հայաստան-Սփյուռք-Արցախ համատեղ ծրագրերի միջոցով մայր հայրենիքի հետ կապերի պահպանումն ու ամրապնդումն է...
Ամենաշատ
Ֆոտոռեպորտաժներ
Partner news