Սիսիան գետի վտակ Գիժ գետի վրա նախատեսվում է կառուցել «Արեւիս-1» անունը կրող փոքր հիդրոկայան (Արեւիս եւ Թասիկ համայնքների մոտ): «Աքսատի» ընկերությունն արդեն իսկ ՀՀ բնապահպանության նախարարություն է ներկայացրել հէկ-ի շրջակա միջավայրի վրա ազդեցության փորձագիտական գնահատականը;
«Աքսատի» ընկերության հիմնադիրը Լուսինե Ադոնցն է:
Նախատեսվում է իրականացնել մոտ 700 հազ. դոլարի ներդրում՝ 620 կվտ հզորությամբ կայանի համար (տարեկան արտադրանքը՝ 2,1 մլն կվտ/ժամ): Հաշվարկվել է, որ 1 կվտ/ժամ էլեկտրաէներգիայի արտադրության ինքնարժեքը կկազմի 1,21 ցենտ (մոտ 5 դրամ):
