ՄԱԿ-ի Գլխավոր ասամբլեան 1954թ. բոլոր երկրներին կոչ էր արել նշելու Երեխաների համաշխարհային օրը (Universal Children's Day)` որպես համաշխարհային եղբայրության եւ երեխաներին փոխըմբռնման օր` նվիրված ամբողջ աշխարհում երեխաների բարօրության ապահովմանը:
ՄԱԿ-ը կառավարություններին առաջարկել էր այդ օրը տոնել ցանկացած օր, որը նպատակահամար կգտնեն: Նոյեմբերի 20-ը նշանավոր է նրանով, որ 1959թ. այդ օրը երեխաների իրավունքների հռչակագիրն էր ընդունվել, իսկ 1989թ.` Երեխաների իրավունքների կոնվենցիան:
Ամեն տարի 11 միլիոն երեխա է մահանում` չհասնելով հինգ տարեկանի, եւս տասնյակ միլիոնավոր երեխաներ ֆիզակական կամ մտավոր արատներ ունեն: Մահացության դեպքերից շատերը հեշտ կանխվող կամ բուժվող հիվանդությունների պատճառով են վրա հասնում, մյուսները` աղքատության, տգիտության, ճնշման եւ բռնության կործանարար հետեւանքով:
Այդ ամենը ծանր կորուստներ են բերում ընտանիքներին, համայնքներին, պետություններին եւ ամբողջ աշխարհին:
