Արցախի Հանրապետության նախագահ Բակո Սահակյանը նոյեմբերի 26-ին Լոս Անջելեսում այցելել է Հայ օգնության միության Արեւմտյան ԱՄՆ-ի շրջանային վարչություն եւ հանդիպում ունեցել կազմակերպության ներկայացուցիչների հետ` ատենապետուհի Վիկի Մարաշլյանի գլխավորությամբ:

Հանդիպմանը քննարկվել են Արցախ-Սփյուռք հարաբերությունների եւ Լեռնային Ղարաբաղի Հանրապետությունում մի շարք ծրագրերի իրականացման հետ կապված հարցեր: Երկրի ղեկավարը երախտագիտություն է հայտնել ՀՕՄ-ուհիներին` Արցախին մշտապես սատարելու, համահայկական տարբեր ծրագրերին ակտիվորեն մասնակցելու համար: