ԱՄՆ-ի ֆինանսների նախարարությունը վաճառել է General Motors ընկերության մնացած բաժնետոմսերը՝ դուրս գալով ավտոմոբիլային կոնցեռնի բաժնետիրական կապիտալից:
ԱՄՆ-ի ֆինանսների նախարար Ջեք Լյուի խոսքով՝ բաժնեմասի վաճառքով ավարտվեց կոնցեռնը սնանկացումից փրկելու բազմամիլիոնանոց գործընթացը, հայտնում է Reuters-ը:
«GM-ի (General Motors) բաժնեմասի վաճառքով մեր ազգի պատմության այս կարեւոր գլուխը փակվում է», - ասել է Լյուն:
Կոնցեռնին մոտ 50 մլրդ դոլարի օգնություն ցուցաբերելու 5 տարի առաջ սկսված ծրագրի իրականացումն ամերիկացի հարկատուների համար արժեցել էր մոտ 10 մլրդ դոլար: Այնուամենայնիվ, նախարարի խոսքով, այդ կորուստներն արդարացված էին, քանի որ ծրագրի շնորհիվ հաջողվել էր «ավտոարդյունաբերությունում միլիոնավոր աշխատատեղեր պահպանել»:
