Գյումրիում, այսօր՝ դեկտեմբերի 11-ին, վաղ առավոտյան տղամարդու դիակ է հայտնաբերվել: Պարույր Սեւակի թաղամասում գտնվող կիսակառույց շենքում թաղամասի բնակիչները նկատել են դիակը եւ ահազանգել իրավապահներին:

Դեպքի վայր ժամանած ոստիկանները ավելի ուշ պարզել են տղամարդու ինքնությունը: NEWS.am-ի հետ զրույցում ոստիկանությունից հայտնել են, որ նա 44-ամյա Կ. Պատրիկյանն է:

Թե ինչ հանգամանքներում է դիակը հայտնվել նշված վայրում, դեռ հայտնի չէ: Հանգամանքները պարզվում են: