Պերուում ավտոբուսի մասնակցությամբ վթարի արդյունքում զոհվել է 15 մարդ, եւս 48 մարդ վիրավորվել է: Ավտոբուսն ընթացել է լեռնային տեղանքով:
Տեղի ոստիկանության տվյալներով՝ վթարը տեղի է ունեցել Պատիվիլկա-Հաուրազ մայրուղու հարյուրերորդ կիլոմետրին: Ավտոբուսը, որն ուղեւորվում էր դեպի երկրի մայրաքաղաք, ճանապարհից շեղվել ու ընկել է անդունդը:
Վթարի զոհերին առայժմ չեն ճանաչել: Հաղորդվում է, որ նրնց թվում կա մեկամյա երեխա: Տուժածներին տեղափոխել են Հաուրազ քաղաքի հիվանդանոց, փոխանցում է ՌԲԿ-ն:
