Լոռիի մարզի բնակիչ 23-ամյա Սուրեն Մ.-ն մեղադրվում է անչափահասի հետ սեռական հարաբերությունների մեջ մտելու մեջ: Լոռիի մարզի ընդհանուր իրավասության դատարանից NEWS.am-ը տեղեկացավ, որ սույն գործը քննվելու է իրենց մոտ:
Գործի նյութերի համաձայն՝ 23-ամյա Սուրեն Մ.-ն, սեռական հարաբերության մեջ է մտել ակնհայտ 16 տարին չլրացած անձի` Թագուհի Մ-ի հետ: Նա անչափահասի հետ 10 ամիս շարունակ սեռական կապի մեջ է եղել:
Քրեական գործ է հարուցվել 141 հոդվածի հատկանիշներով (18 տարին լրացած անձի կողմից սեռական հարաբերությունը կամ սեքսուալ բնույթի այլ գործողություններ կատարելն ակնհայտ 16 տարին չլրացած անձի հետ): Սույն հոդվածը պատժվում է տուգանքով՝ նվազագույն աշխատավարձի 100-200-պատիկի չափով, կամ ազատազրկմամբ` առավելագույնը 2 տարի ժամկետով:
Խափանման միջոց ընտրվել է բնակավայրիչ չհեռանալու մասին ստորագրությունը: Դատական քննությունը նշանակվել է հունվարի 15-ին:
