News
Լրահոս
News
Հինգշաբթի
Ապրիլ 25
Տեսնել լրահոսը


Հունվարի 19-ի լույս 20-ի գիշերը ղարաբաղա-ադրբեջանական սահմանին հակառակորդի դիվերսիոն խմբերի հարձակման ժամանակ փոխհրաձգության հետեւանքով  հերոսի մահով ընկած կրտսեր սերժանտ Արմեն Հովհաննիսյանի հիշատակին Youtube-ի Տիգրան Եփրեմյան անունով օգտատերը պատրաստել է տեսանյութ։

«Հավերժ մեր սրտերում կրտսեր սերժանտ Արմեն Հովհաննիսյան»  վերտառությամբ տեսանյութում 19-ամյա Արմենի մեկուկես տարվա ծառայության ընթացքում արված լուսանկարներն են։

«Վիքիպեդիա» ազատ հանրագիտարանում այսօր ավելացրել են զինվորի անվամբ էջ։ «Արմեն Լևոնի Հովհաննիսյան (ծնվ.՝ 1994 հունիսի 30, մահ.՝ 2014 հունվարի 20, ԼՂՀ), Արցախի Հանրապետության Պաշտպանության բանակի կրտսեր սերժանտ, «Արիության համար» հետմահու մեդալակիր»:

Հիշեցնենք, որ ԼՂՀ պետական սահմանը պաշտպանելիս ցուցաբերած արիության համար ԼՂՀ պաշտպանության բանակի N զորամասի կրտսեր սերժանտ Արմեն Հովհաննիսյանը հետմահու պարգեւատրվել է «Արիության համար» մեդալով։

Տպել
Ամենաշատ