ԲՀԿ նախագահ եղել է, կա ու լինելու է կուսակցության հիմնադիր՝ Գագիկ Ծառուկյանը: Այս մասին հայտարարել է ԲՀԿ մամուլի խոսնակ Տիգրան Ուրիխանյանը՝ անդրադառնալով այսօր՝ հունվարի 21-ին, ասուլիսում մարքսիստ Դավիթ Հակոբյանի հայտարարությանը, թե ԲՀԿ առաջիկա համագումարում կուսակցապետ կընտրվի ՀՀ երկրորդ նախագահ Ռոբերտ Քոչարյանը:
«ԲՀԿ նախագահ եղել է, կա ու լինելու է կուսակցության հիմնադիր՝ Գագիկ Ծառուկյանը: Ուստի, հավերժ երիտասարդ մարքսիստին կարող եմ ընդամենը բարեկամաբար խորհուրդ տալ՝ իր երկարաշունչ վերլուծություններն անելիս, առնվազն ԲՀԿ-ի մասով, հավատարիմ մնալ մարքսիզմի հիմնարար սկզբունքներից մեկին, այն է՝ ռեալիզմին»: