Լոնդոնում քննում են երեք ոստիկանների գործը, որոնց կասկածում են սմարթֆոններով միմյանց պոռնկագրական նյութեր ուղարկելու մեջ:
Նրանք ձերբակալվել եւ հարցաքննվել էին 2013թ. դեկտեմբերի 19-ին, որից հետո նրանցից մեկին հեռացրել էին ծառայությունից, մյուս երկուսի ծառայողական պարտականություններն էլ սահմանափակել էին: Նրանց բնակարանները խուզարկել են:
Ոստիկանության հայտարարության մեջ նշվում է, որ խոսքը «կոշտ պոռնոյի» մասին է, սակայն առանց երեխաների մասնակցության: Երեքն էլ աշխատում են արտասահմանյան դեսպանատները պահպանող ստորաբաժանումում` Դաունինգ սթրիթում եւ Սքոթլանդ Յարդում, հաղորդում է BBC-ի ռուսական ծառայությունը:
Ոստիկանության եւս մեկ սպա այդ գործով հարցաքննվել էր հունվարի սկզբին եւ նույնպես տեղափոխվել ծառայության սահմանափակ ռեժիմի:
