ԼՂՀ փոխվարչապետ Արթուր Աղաբեկյանը, փետրվարի 7-ին, հավաստագրեր է հանձնել անգլերենի ուսուցման շարունակական դասընթացների մի խումբ մասնակիցների, որոնք արդեն երրորդ տարին է, ինչ կազմակերպվում են կառավարության աշխատակազմի նախաձեռնությամբ, «ԱՎԻՍ» եւ «ՍՊԻՔ ԱՊ» անգլերենի ուսուցման կենտրոնների կողմից:
Շնորհավորելով դասընթացների ունկնդիրներին` փոխվարչապետը նշել է, որ օտար լեզվի խոր իմացությունը աշխարհի գործընթացներին` Արցախի ինտեգրման համար կարեւոր նախապայման է: Նա հույս է հայտնել, որ դասընթացի մասնակիցները ուսուցումը մինչեւ վերջին փուլ շարունակելու ցանկություն կունենան, ինչը նրանց կօգնի պետական կառավարման ոլորտում եւ գործարար աշխարհում միջազգային պայմանագրերի պատրաստման, արտաքին գործընկերների հետ շփումը հեշտացնելու գործերում:
Ա. Աղաբեկյանը շնորհակալություն է հայտնել դասընթացները վարողներին, որոնք աջակցել են կառավարության նախաձեռնած ծրագրի իրականացմանը:
Ուսուցման կենտրոնների անունից շնորհավորելով ներկաներին` «ԱՎԻՍ» ընկերության պատասխանատուն շնորհակալական խոսք ուղղեց կառավարության աշխատակազմին եւ հավաստագրեր ստացողներին` ծրագրին ակտիվ մասնակցելու համար:
Հավաստագրերի հանձմանը ներկա էր կառավարության աշխատակազմի ղեկավար Լեւոն Գրիգորյանը: