Իրանի ռազմածովային նավատորմի հրամանատարությունը շաբաթ օրը հայտարարել է, որ երկիրը ռազմանավեր է ուղարկել ԱՄՆ-ի ծովային սահմանների մոտ, հայտնում է «ՌԻԱ Նովոստին»՝ վկայակոչելով Fars գործակալությունը։
Իրանի նավատորմի հրամանատարությունը նախկինում բազմիցս հայտարարել էր Ատլանտյան օվկիանոս ռազմանավեր ուղարկելու ծրագրերի մասին: Գործակալությունը նշում է, որ Իրանն այդպիսով պատասխանում է «Պարսից ծոցում ամերիկյան նավատորմի ուժեղացված ներկայությանը»: Բահրեյնում տեղակայված է ԱՄՆ-ի ՌԾՈՒ-ի 5-րդ նավատորմի գլխավոր շտաբը:
Վերջին երկու տարիներին ամերիկացիներն այդ տարածաշրջանում լայնածավալ զորավարժություններ են անցկացրել, նշում է գործակալությունը:
