Իրանի եւ ԱԷՄԳ ներկայացուցիչները բանակցությունների ընթացքում համաձայնության են եկել իրանական միջուկային ծրագրի հետ կապված իրավիճակի կարգավորմանն ուղղված միջոցառումների երկրորդ փաթեթի եւս յոթ կետի շուրջ:
«Բանակցությունների երկու օրվա ընթացքում մենք կառուցողական քննարկումներ ենք անցկացրել ու եզրակացության եկել Գործակալության հետ համատեղ գործողությունների եւս յոթ կետի շուրջ»,- հայտարարել է ԱԷՄԳ-ում Իրանի ներկայացուցիչ Ռեզա ջաֆին, հաղորդում են իրանական լրատվամիջոցները:
Բանակցությունների մասին այլ մանրամասներ չեն հաղորդվում: Նշենք, որ ԱԷՄԳ փորձագետները խումբը անվտանգության հարցերով Գործակալության փոխտնօրեն Տերո Վարյիորանտայի գլխավորությամբ իրանական իշխանության ներկայացուցիչների հետ բանակցությունները սկսել էր փետրվարի 8-ին Թեհրանում:
Ավելի վաղ հայտնում էին, որ միջազգային փորձագետները իրանցի ներկայացուցիչների հետ շարունակում են կազմել միջոցառումների երկրորդ փաթեթը, որոնք նախատեսված են 3 ամսվա համար ու բաղկացած կլինեն 5-6 կետից: Աշխատանքները սկսվել են 2013թ.-ի դեկտեմբերից: Թե հստակ ինչ թեմաներ են ընգդրկվելու, չի բացահայտվում, հաղորդում է ԻՏԱՌ-ՏԱՍՍ-ը:
Սակայն դրանց թվում առանձնանում է առավել զգայուն խումբ, որը վերաբերում է հնարավոր ռազմական միջուկային հետազոտություններին: Դրանց շարքում են Փարչինում գտնվող ռազմաբազամ, որի տարածքում կարող են չարտոնագրված հետազոտություններ անցկացվել: